Me këtë Torres marrim hak!”

Ksavi Alonso beson se seria prej shtatë fitores radhazi që ka realizuar Liverpuli e ka vënë Fernando Torresin në kushtet ideale që të shkatërrojë shpresat e Mançester Junaitedit për të mbrojtur titullin kampion, këtë fundjavë në “Old Trafford”. Përballja e së dielës së pashkëve konsiderohet si një prej pengedave kryesoreve për skuadrën e Sër Aleks Fergusonit në rrugën për titullin dhe mesfushori spanjoll ka shumë besim se Liverpuli, i frymëzuar nga bashkëkombasi i tij Torres, mund të marrë hak për humbjen 1�0 të pësuar në fazën e parë, kur Junaitedi bëri vizitë në “Anfield”. “Jemi në një moment të mirë. Por luajmë mjaft mirë dhe po shënojmë gola. Tani duhet të mendojmë për ndeshjen e ardhshme me Junaitedin dhe të bëjmë të njëjtën gjë”, tha Alonso. “Do të jetë një ndeshje vërtet e madhe në “Old Trafford”, i dimë cilësitë e tyre, por gjithsesi mezi po e presim këtë ndeshje”.

Liverpuli edhe mund ta kishte fituar takimin e dhjetorit me Junaitedin nëse Torres do t’i kishte shfrytëzuar si duhet rastet e krijuara nga skuadra. Por tani situata ka ndryshuar dhe sulmuesi spanjoll nuk po humbet shumë raste kohët e fundit. Alonso beson se shoku i tij edhe në kombëtare mund të bëjë ndryshimin të dielën. “Fernando është përmirësuar shumë”, tha ai. “Ndihet shumë mirë duke luajtur me shokët e skuadrës te Liverpuli dhe për këtë arsye bëhet lojtar më i mirë javë pas jave. Ky është një lajm mjaft i mirë për të dhe për ne. Ai është përshtatur mjaft mirë në Premier League dhe kjo është inkurajuese, sepse nuk është aspak e lehtë të ndryshoh klub dhe aq më tepër kampionat. Ai ka treguar se nuk ka frikë nga loja e fortë këtu, nga përpjekjet e mbrojtësave kundërshtarë për ta rrëzuar. Dhe e gjithë kjo është e rëndësishme”.