Lusio: Dua të largohem nga Bajerni, mirëpres oferta

Kam një kontratë, por mirëpres edhe oferta. Nëse gjejmë një konsensus, do të pranoja të shkoja diku tjetër”, kështu shprehet Lusio për të ardhmen e tij. Pavarësisht nga kontrata deri në 2010 me Bajenrin e Mynihut, braziliani ëndërron që të transferohet në Spanjë. Në klubin bavarez po flitet shumë kohët e fundit për mundësinë që ofron Barcelona, për përpjekjet e Bajernit të Mynihut dhe për atë që mendon vetë Lusio. Në gjysmëfinalen e Kupës së Gjermanisë, kundër Volfsburgut, kampioni i botës i vitit 2002 do të përballet kundër patriotëve të tij, Marselinjo, Zhozue dhe Grafite. Në sezonin e ardhshëm, shefi i mbrojtjes bavareze mund të hasë më shpesh situata të tilla e të përballet me duele të ngjashme nëse do të luajë te Barcelona në kampionatin spanjoll. Sipas gazetës gjermane “Abendzetung”, Barcelona ofron një kontratë katër vjeçare. Por që të lejojë largimin e Lusios, Bajerni i Mynihut kërkon 15 deri në 20 milionë euro për prishjen e kontratës. Vetë Lusio është dakord të largohet edhe pse kontrata e tij skadon në vitn 2010. “E kam thënë gjithmonë se kampionati spanjoll, italian dhe anglez, pra tre më të fortët, më tërheqn shumë. Atje luhet futboll më mirë”, tha Lusio për “AZ”. “Nëse një nga këto vende tregon interes ndaj meje dhe nëse arrij të transferohem, do të gëzohesha shumë”, ka thënë Lusio. Por, Bajerni i Mynihut dëshiron ta ketë në skuadër zëvendës kapitenin e saj. “Po, ata më kanë thënë se duan të më mbajnë në skuadër. Këtë gjë ia thonë të gjitha klubet lojtarëve të tyre. Por nga ana tjetër, kur ka interes nga ndonjë skuadër tjetër, vetë klubi gjen gjuhën e përbashkët me të dhe bën një zgjidhje të përbashkët”, tha më tej braziliani duke shpresuar se edhe Bajerni i Mynihut do të dorëzohej para një oferte nga Barcelona apo ndonjë skuadre tjetër të madhe. Për Lusion dëshira më e madhe është të shkojë tek Barcelona. “Nuk e kam fshehur asnjëherë dëshirën që kampër të luajtur atje ku luajnë edhe shumë patriotë të mi. Një skuadër me shumë brazilianë lehtëson shumë gjëra në fushë, por edhe në aspektin personal”, përfundoi Lusio.