Fergi: Liverpuli le të presë

VIP Numri i postimeve : 1761 Registration date : 09/03/2008

Sër Aleks Ferguson u ka kërkuar lojtarëve të tij që të mos mendojnë për përballjen me Liverpulin ditën e dielë para se të kalojnë më parë ndeshjen me Boltonin sonte në “Old Trafford”. Takimi i fundjavës së Pashkës katolike është një prej atyre që quhen vendimtarë në luftën për titull, por vështirësitë e Junaitedit për të vënë për fund Derbin fundjavën e kaluar kanë bërë që Fergi të mendohet më tepër se sa zakonisht për takimin me Boltonin. Tekniku skocez tha: “Kemi ndeshje të mëdha përpara dhe ajo ndaj Liverpuit është një prej tyre, sidomos nëse marrim parasysh se Çelsi luan me Arsenalin në të njëjtën ditë. Por po të kujtojmë atë që ndodhë me Derin të shtunën, ku nuk ditëm të shfrytëzonim rastet, mund të merret me mend lehtë se asnjë ndeshje nuk është e fituar në letër. Siguisht që fundjavat e mëdha i kemi përpara por edhe ndeshjet e tjera janë po aq të rëndësishme. Nëse luajmë mirë dhe shfrytëzojmë si duhet rastet tona, jam i bindur që do të fitojmë ndaj Boltonit. Por është e rëndësishme që t’i respektojmë kundërshtarët. Ndeshjet tona të fundit kanë qenë shumë të mira por duhet të jemi pak më të qetë përpara portës, në mënyrë që të shënojmë”.

Junaitedi është me pikë të barabarta me Arsenalin por me diferencë më të mirë golash dhe gjithçka tjetër përveç tri pikëve në ndeshjen me Boltonin do të ishte zhgënjyese. Herën e fundit që dy skuadrat janë ndeshur, në “Rerbok” vendasit kanë fituar falë golit të Nikolas Anelkasë. Këtë herë Anelka nuk është më, por Fergi nuk tregohet euforik. “Boltoni lufton për mbijetesë dhe çdo skuadër në këtë situatë është e vështirë për t’u pasur përballë”, shtoi tekniku skocez.

» Liverpuli "saldon" Champions