Shpërthen çështja “Ibra”!

As fitorja kundër Palermos nuk ka shërbyer për të kthyer qetësinë te Interi. Në shtëpinë e Interit ka shpërthyer çështja “Ibrahimoviç”, i cili ishte shumë i acaruar me ndërrimin që i bëri Mançini. Me anë të telekamerave dukeshin qartë buzët e sulmuesit suedez, i cili u shpreh saktësisht kështu: “shpresoj që të largohet sa më shpejt”, duke iu drejtuar trajnerit të tij, që qëndronte disa metra më larg.

Fakti � Në minutën e 78�të të ndeshjes me siçilianët, kur Interi ishte në avantazh 2�1, Mançini mendoi të nxirrte sulmuesin dhe në vend të tij të fuste Krespon. Ish�juventini nuk e mori mirë këtë gjë dhe doli nga fusha pa i dhënë dorën Mançinit. Ai vazhdoi duke mërmëritur i acaruar dhe u ul në pankinë. “Shpresojmë që ky të largohet”, ka qenë thënia e cila ka ndezur polemikat.

Replika � “Ibrahimoviç? Kur isha unë lojtar bëja edhe më keq”. Pasi mori tre pikët, Mançini mundohet të zbusë reagimin më të fundit të lojtarve të tij. “Edhe unë kam qenë trajner dhe e kuptoj shumë mirë. Unë bëja edhe më keq. I kam bërë edhe unë këto gjëra, kur del jashtë loje mund të ndodhin”, këto ishin fjalët e Mançinit në një intervistë pas ndeshjes.

Kundërshtimi � “Në momentin kur po dilja nga fusha por shprehja mërzitjen time ndaj ndërrimit dhe për rastet e humbura, por nuk kam thënë kurrë fjalë kundrejt trajnerit tim”. Sulmuesi zikatër, Zllatan Ibrahimoviç, kundërshton gjithçka me këtë deklaratë në adresën e internetit të Interit. Kështu Suedezi kundërshtoi gjithçka që mund të ishte kuptuar nga buzët e tij, në minutën e 33�të të pjesës së dytë, edhe pse leximi i lëvizjeve të buzëve është i pamohueshëm, sidomos për ata persona që merren me këtë aspekt dhe që kapin të tilla momente. Pas Figos, tashmë edhe Ibra revoltohet, ashtu si edhe Burdiso, i cili është nervozuar, pasi Mançini i ka kërkuar disa herë që të ndërrojë pozicion në fushën e lojës, duke e vendosur argjentinasin në role të cilat ai nuk mund t’i mbulojë me zotësinë e duhur.

Morati: Shtypi gjithmonë kërkon të na ngacmojë

“Çdo herë kërkoni një problem dhe gjeni një të paqenë”, këto ishin fjalët e para të Masimo Moratit, presidentit të Interit, për problemin e Ibrahimoviçit. Ai vazhdoi: “Ishte një moment nervozizmi i gabuar. Por nuk e di nëse ishte një ofendim i drejtuar Mançinit. Gjithsesi t’i japim të drejtë dhe t’i besojmë asaj që tha ai”. Ai vazhdoi: “Ti japim besim Mançinit. Në këto momente duhet të jemi të qetë duke parë që kemi edhe disa ndeshje shumë të rëndësishme në kampionat”.