BUFFON PËR HERË TË KATËRT SHPALLET PORTIERI MË I MIRË NË BOTË

Portieri i Juventusit dhe i kombëtares italiane, Gianluigi Buffon, është shpallur portieri më i mirë në botë për vitin 2007. Këtë shpërblim Giggi e pranoi nga Instituti Ndërkombëtar për Histori dhe Statistikë pranë FIFA-s, që çdo vit bën shpalljen e më të dalluarve në futboll. Kjo është hera e katërt që numri një i Juves dhe Azzurëve nderohet me këtë titull, të cilin e kishte fituar edhe në vitet 2003-2004 dhe 2006. Shpërblimin super Giggi e pranoi sot në qendrën stërvitëse të Juventusit në Vinovo, ku ai së bashku me shokët e skuadrës po i zhvillonin stërvitjet e fundit para derbit kundër Interit, që zhvillohet nesër në Guisseppe Meacca. Buffon është një nga më të merituarit për formën e mirë që Juve po e kalon këtë edicion në Serie A pas rikthimit nga Cialcioppoli, pasi zonja e vjetër po lufton për pozitën e dytë që siguron pjesëmarrje të sigurt në Ligën e Kampionëve. Kur jemi tek Juve, skuadra më e madhe dhe më e famshme në Italia, ka arritur një marrëveshje sponsorisimi për 15 vjet me kompaninë Sportfive Italia. Me parat e kësaj kompanie që janë diku mbi 100 milionë euro Juve planifikon ta ndërtojë një stadium të ri më modernin në botë. Juve është e obliguar që kompanisë italiane për çdo vit t'ia kthejë nga 6 milionë e 250 mijë euro.