RAFAEL BENITEZ: TORRES NUK ËSHTË ENDE SUPERYLL

Menaxheri i skuadrës së njohur angleze, Liverpool, spanjolli Rafael Benitez, ka deklaruar që sulmuesi Fernando Torres po kalon një formë të shkëlqyer në stinorin e tij të parë në fanellën e të "kuqve", por se ende nuk mund të konkludohet lirisht që ai është shndërruar në superyll botëror. "Të gjithë po flasin për suksesin e Torres por mendoj se ëhstë tepër herët të flitet. "Duhet të presim disa vite për të pa se a është lojtari në të vërtetë superyll apo jo". "Tani për tani ai po kalon çaste të këndshme, është një perspektivë e mirë në Liverpool në të dy aspektet edhe për skuadrën edhe për klubin, por mund të bëhet shumë më i mirë në vitet e ardhshme" ka thënë Benitez. Fernando Torres i cili ka festuar mbrëmë ditëlindjen e tij të 24-të është future në analet e klubit më të famshëm anglez pasi ka realizuar 20 gola në fanellën e çmueshme, një statistikë e cila është arritur pas plot 12 vjetësh prej se një gjë të tillë e pat regjistruar para 12 vjetësh sulmuesi legjendar Robbie Foëler. Torres ka hyrë në zemrat e tifozëve të Liverpoool-it pasi që një sukses të tillë e arriti në stinorin e parë të tij prej se u transferua për record 36 milionë euro, që është shuma më e madhe e paguar në histori të pesë herë kampionit të Evropës dhe 18 herë kampionit të Premier Ligës angleze. "Kur kemi parasysh faktin që Foëler është konsideruar ZOT nga tifozët e Liverpool-it atëherë mund të paramendojmë se çfarë ndjenja shprehin tifozët për Fernando Torres, ka shtuar në deklaratën e tij Benitez, i cili i ka dëshiruar suksese të mëdha lojtarit të dashur të tij. Benitez kishte insistuar te kryesia e Liverpool-it që Torres të transferohej me çdo kusht nga Atletico Madrid. Torres i cili ka realizuar 27 gola në të gjithë garat këtë stinor, do të mundohet të thyejë rekorde në ndeshjen e madhe të cilën Liverpool do ta zhvillojë këtë të diel në Old Traford kundër kampionit dhe liderit aktual në Premier Ligë, skuadrës Man.Utd. Torres aktualisht është realizuesi i dytë në Premier Ligën angleze me 20 gola, katër më pak se kryesuesi Christiano Ronaldo që ka 24. Liverpool pozicionohet në vendin e katërt në tabelë me 11 pikë më pak se lideri Man.Utd, kur kanë mbetur edhe tetë javë deri në përfundim të edicionit 2007-08.