ERION BOGDANI I SIGURON NJË PIKË LIVORNO-s, MILANO RRËSHQET PËRSËRI, JUVENTUS DHE INTER BARAZOJNË

Sulmuesi shqiptar, Erion Bogdani, ka shënuar golin e barazimit në ndeshjen të cilën skuadra e tij Livorno e ka barazuar në shtëpi me skuadrën në formë, atë kalabreze Reggina. Franco Brienza kaloi mysafirët në epërsi në minutën e 32-të për të barazuar Bogdani pas saktësisht një orë lojë. Milano ka rrëshqitur sërish me disfatën e pësuar në shtëpi nga Sampdoria, e cila po kalon momentet më të mira në edicionin 2007-08. Rosonerët kanë dështuar për herë të dytë me radhë pas disfatës nga Roma javën e kaluar. Prej minutës së 10-të Milano mbeti pa lojtarin kryesor brazilianin Lleite Kaka, i cili u largua pas lëndimit. Dy minuta pas largimit të Kaka-s, Sampdoria krijon epërsinë me golin e Kristian Maggio-s. Në minutën e 25-të Gennaro Del Vechio i bën me dije vendësve se punët nuk do të shkojnë aspak lehtë dhe kjo ndodhi. Krejt çka arritën të bëjnë rosonerët ishte të zbutin epërsinë me golin e sulmuesit të ri Alberto Paloschi-t të shënuar në minutën e 70-të. Përkundër kësaj disfate, Milano ende mbetet seriozisht në luftë për vendin e katërt që mundëson dy ndeshjet kualifikuese për edicionin e ardhshëm të Ligës së Kampionëve.

Ndeshje interesante u zhvillua edhe në Marasi ku Genoa dhe kampioni Inter ndanë pikët. Neroaxurët krijuan epërsinë që në minutën e 11-të me anë të sulmuesit të Hondurasit, David Suazo-s. 5 minuta para pushimit lideri mbetet me një lojtar më pak pas përjashtimit të mesfushorit portugez Pele. Inter nuk arriti të mbahet deri në fund. Realizuesi më i mirë në Serie A pas 29 javësh, Marco Borriello, i cili u inkuadrua në lojë nga banka rezervë barazoi me këtë gol të bukur për të shënuar rezultatin përfundimtar.

Genoa 1, Inter 1.

Fitore të madhe në luftë për mbijetesë ka shënuar Cagliari që mposhti Atalanta-n me rezultat minimal 1:0. Të vetmin gol në këtë ballafaqim e shënoi Robert Aquafrescka në minutën e 18-të. Ky lojtar ishte më i merituari edhe për fitoren e së dielës po në këtë terren kundër Torinos me rezultat 3;0. Në atë ndeshje realizoi dy gola. Torino ka dëshpëruar sërish tifozët, duke pësuar disfatë minimale në shtëpi nga Udinese. Ish-anëtari i Cagliari-t Simone Pepe shënoi të vetmin gol në minutën e 25-të. Me dy golat e super sulmuesit argjentinas Ezequel Lavezzi Napoli e ka fituar sfidën në San Paolo përballë Fiorentinës me rezultat 2;0. Lavezzi së pari shënoi në minutën e 23-të ndërsa shtatë minuta më vonë vuri rezultatin përfundimtar. Juventus nxori një pikë me rëndësi në Karlo Kastellani kundër Empolit në ndeshjen e cila përfundoi pa gola dhe në të cilën u panë shtatë kartonë të verdhë. Pa gola u mbyll edhe sfida në Massimino ndërmjet Catania-s dhe Siena-s.