BECKHAM DHE PELE NDIHMOJNË SHKOLLËN E FUTBOLLIT TË KLUBIT AMERIKAN HARLEM

Ndoshta dy njerëzit më të njohur nga Bota e futbollit, legjenda braziliane Pele dhe anglezi David Beckham janë takuar në New York ku Pele ka pranuar një çmim për arritjen jetësore. Vizita e këtyre dy figurave të famshme është bërë edhe për qëllim të ngritjes së një fondi prej afro 600 mijë dollarësh, i cili do të shfrytëzohej për ndihmë në shkollën e futbollit të klubit Harlem. Beckham tha që ka kaluar një ditë të tërë në Harlem dhe se aty ka vërejtur se sat ë pasionuar janë fëmijët pas lojës magjike. "Fëmijët ndërrojnë kur vrapojnë në terren, dy orë të qëndrimit këtu ndërrojnë jetët e tyre”, ka thënë Beckham. Beckham ka shtuar se nuk është aspak i kënaqur me formën e tij dhe me rezultatet e arritura të skuadrës së tij La Galaxy në kuadër të kampionatit amerikan MLS. Pele 67 vjeç ka theksuar rëndësinë e paraqitjes së Beckham në ligën amerikane të futbollit duke shtuar që gjërat në futbollin amerikan kanë ndryshuar shumë prej se ai ishte anëtar i skuadrës New York Cosmos në vitin 1975. Pele, i cili konsiderohet lojtari më i madh i të gjitha kohëve, kishte ndihmuar Brazilin të fitojë tre tituj të kampionit botëror.