Laporta: Të mos humbasim besimin!

Presidenti i Barcelonës, Hoan Laporta, pavarësisht humbjes dhe eliminimit përballë Valencias, bëri një deklaratë optimiste për takimet e ardhshme. “Nuk duhet të humbasim besim, por të vazhdojmë luftën tonë. Kemi humbur një ndeshje të cilën edhe mund ta fitonim. Skuadra luajti shumë mirë, sidomos në pjesën e dytë, por kjo do të na shërbejë për moral në takimet e ardhshme. E dimë që pas çdo eliminimi, skuadra humb pak nga fora e saj, por unë kam besim te kjo Barcelonë dhe jam i bindur se gjërat do të ecin në rrugën e duhur. Mendoj se edhe Valencia ka bërë një punë të shkëlqyer sepse nuk është e lehtë të shënosh tre gola”, tha Laporta, i cili tashmë beson se skuadra e tij do të fitojë të paktën një titull këtë sezon. “Na kanë menduar edhe dy kompeticione në garë, kështu që skuadra duhet të japë maksimumin në takimet e fundit. Në kampionat jemi shtatë pikë prapa Realit, por mundësitë për të fituar titullin kampion janë ende të mëdha, ndërsa në Champions League na duhet të kalojmë Shalken dhe më pas të mendojmë për rivalët e tjerë. Ndoshta edhe me rikthimin e lojtarëve të dëmtuar, gjithçka mund të bëhet më e lehtë për skuadrën. Shpresojmë që këtë seozn të fitojmë të paktën një titull dhe unë kam besim se mund t’ia dalim mbanë”.