Ronaldo tani “do” dhe Denis Loun

asi ka treguar se është në gjendje të thyejë rekordin e Xhorxh Bestit, Kristiano Ronaldo tani duket se i ka vënë vetes synim të thyejë edhe atë të Denis Lout, i cili ka shënuar mbi 40 gola me “Djajtë e Kuq” në një sezon. Me dopietën ndaj Boltonit, portugezi theu rekordin e yllit të ndjerë Best, i cili ishte ndalur në 32 gola në sezon. Dhe tani që kanë mbetur edhe minimumi dhjetë ndeshje nga mbyllja e sezonit (maksimumi 13), Ronaldo dëshiron të kalojë edhe një tjetër legjendë të klubit të tij. Ndihmëstrajneri i Junaitedit, Karlos Keiroz, nuk sheh ndonjë arsye pse bashkëkombasi i tij nuk mund të shënojë rregullisht në tetë ndeshjet e mbetura në kampionat. Kjo do të bënte që thyente rekordin e Denis Vajolet me 32 gola në kampionat, të vendosur në sezonin 1959�60. Dhe nëse e çon Junaitedin në finalen e Champions League dhe shënon edhe në pesë ndeshjet e mbetura në Europë, mund të shkojë deri në 46 gola, po aq sa ka shënuar Denis Lou në sezonin 1963�64. Keiroz tha: “Thyerja e rekordit të Xhoxh Bestit është një arritje fantastike. Që prej fillimit të sezonit ne nisëm të kuptonim se Krisitano do të bënte një gjë të veçantë. Por jam i sigurt se shumica prej nesh nuk e prisnin që këtë vit do të mund të shkonte kaq larg. Jemi të lumtur për të, por le të shohim nëse mund të shënojë edhe më shumë deri në fund të sezonit. Ndoshta në ndeshjet e ardhshme të sezonit mund të shënojë një gol për ndeshje dhe kjo do të na jepte edhe më shumë mundësi për ta fituar titullin”. Vetëm Lou dhe Rud van Nistelroi pesë vjet më parë, kanë arritur të shënojnë 40 gola në një sezon për Junaitedin. Ronaldo është pranë atij rekordi tani, por vetë 23�vjeçari pranon që të shënosh në çdo ndeshje është shumë e vështirë. Ai tha: “Jam shumë krenar për atë që kemi arritur, por të them të drejtën nuk pres të shënoj në çdo ndeshje. Unë thjesht përpiqem që të luaj mirë ndeshje pas ndeshjeje, nuk mendoj të shënoj. Nëse mendon shumë që do të shënosh, atëherë nuk e bën. Por kam shumë besim te vetja dhe ndihem në formë mjaft të mirë. Skuadra po luan mjaft mirë dhe kur të gjithë luajnë kështu, sulmuesët dhe lojtarët e avancuar ndihen më rehat në fushë. Shokët e skuadrës më ndihmojnë shumë me pasime të sakta dhe raste për gol”.