Ranieri: Të ndalim Interin!

Inter�Juve nuk ka nevojë për prezantime. Nga njëra anë është super�ekipi i Mançinit, pak më human se pas barazimit me Xhenoan, por gjithnjë e më e vetmuar në krye të renditjes. Nga ana tjetër Juvja që do të marrë fitoren e parë ndaj zikaltërve pas “Calciopol”�it, për të rihapur diskutimin e titullit si dhe për të siguruar një vend në Champions League. Dhe Ranieri nuk fshihet, përkundrazi, i shpall luftë Interit. “Dikush thotë se zikaltërit nuk po kalojnë një periudhë të mirë forme, por për mua nuk është kështu”, thotë Klaudio. “Ndaj nesh çdo kundërshtar nxjerr gjithnjë maksimumin nga vetja. Shpresoj që të fitojë Juventusi, lufta e titullit mes Romës dhe Interit nuk na intereson, ne bëjmë tifo vetëm për veten tonë. Zikaltërit luajnë për të fituar, por edhe ne, dhe të mos harrojmë që në një ndeshje të vetme mund të ndodhë gjithçka”. “Eshtë e vërtetë që ndonjëherë manovrat nuk janë kaq fluide”, vazhdon më tej trajneri i Juves, “por besoj se në mbrojtje gjërat po shkojnë mirë kohët e fundit. Edhe në sulm lëvizimin mirë kur ndeshjet janë pak më të hapura. Por kur përballemi me një skuadër që mbyllet, lodhemi pak më shumë për të gjetur hapësira. Kjo ndodh me të gjithë ekipet më të mirë: për shembull në krahasim me 2 vjet më parë as Barcelona nuk bën më atë lojë spektakolare. E rëndësishme është që grupi të jetë i gëzuar dhe i qetë dhe djemtë më kanë rrëfyer se argëtohen më shumë tani se kur ishin në super�ekipin e Kapelos dy vjet më parë”.

Bufon: Në 2�3 vjet në finalen e Champions!

Xhianluixhi Bufon flet si flamur i Juventusit, dhe pse thotë se nuk është i tillë. Sheh të kaluarën (“dhe pse më jep pak trishtim”), të tashmen dhe shumë të ardhmen. Në mes është Interi, por ky është një argument për të cilin mund të flitet vetëm pas ndeshjes: “Ndoshta do të festojmë Pashkë të mira...”. Portieri i Juves rrëfehet për “Juventus Channel” dhe e nis këtë duke shprehur elozhe për gjendjen e Juves: “Ajo që po bëjmë është diçka e jashtëzakonshme dhe duhet vlerësuar, por është e qartë se nëse luan tek Juvja duhet të synosh gjithnjë në objektivat maksimalë, prandaj nëse do të dilnim të tretët do të ishim të kënaqur, por jo të ngopur. Në fund të fundit ne mendojmë vetëm për të fituar”. Synimi është finalja e Champions, që duhet arritur sa më shpejt të jetë e mundur. “Për mua Juvja mund të arrijë realisht në finalen e Champions pas 2�3 vjetësh, ndryshe unë nuk do të kisha qëndruar. Ndryshe nga kampionati, besoj se Champions mund të fitohet edhe nëse nuk ka cilësin` e të tjerëve. Në takimet direkte nuk ndihet kaq shumë ky ndryshim”. Gjithsesi, Juves i duhet një fushatë blerjesh e goditur: “Me një blerje shumë të mirë për repart mund të fitojmë titullin, por nëse ke dy synime atëherë situata bëhet më e vështirë”, shprehet Bufon. “Por ndoshta mund të bëjmë edhe më pak blerje, duke menduar më shumë vetëm për cilësinë”. Kë preferon në garën për titull? “Duhet ta fitojë ajo që e meritonI dhe mendoj se në këtë çast skuadra më e fortë është Interi. Por Roma është skuadra më argëtuese dhe ndryshe nga të tjerat”. Por, ndoshta pa gabimet e gjyqtarëve, mund të ishte edhe Juventusi në “valle”... “Episodet kundër tenton t’i përjetosh me qetësi, sepse nëse do të mendonim për paragjykim, atëherë nuk do të zbrisnim fare në fushë. E kupton që diçka ka ndryshuar, por kjo ishte normale. Në disa ndeshje gjyqtarët kanë kushtëzuar sjelljen tonë në ndeshjen pasardhëse. Por ne nuk humbëm titullin prej tyre. Nuk do t’ia kishim dalë mbanë gjithsesi. Ndaj them se ky vend i tretë duhet të jetë një pikënisje për ne për të ardhmen”.