Juve “gozhdon” Interin

Lajmi i javës së 30�të të Serisë A vjen nga arena e “San Siro”�s, nga supersfida e mbrëmjes së djeshme mes Interit dhe Juventusit: bardhezinjtë fitojnë 2�1 ndaj kampionëve të Italisë, duke rihapur zyrtarisht kampionatin. “Firmat” e Kamoranezit dhe Trezegesë anullojnë iluzionin e fundit të Manikes, goli i të cilit rindez shpresat e barazimit, pasi “Zonja” kishte kaluar dy herë në avantazh në pjesën e dytë, por kjo nuk mjafton. Pjesa e parë nuk ka folur për miqtë, të shpëtuar nga duart e Bufonit, me disa pritje të rëndësishme, si gjuajtja e Ibrahimoviçit, por sidomos goditja e dënimit e ekzekutuar nga Kivu, ku gishtat e portierit juventin devijojnë një top që po i drejtohej këndit të poshtëm të portës së mbrojtur nga kampioni i botës. Por, në mes edhe fati i keq për djemtë e Mançinit, që godasin traversën me Stankoviçin. Në 45 minutat e dyta, një tjetër Juventus në fushë: grintë, vendosmëri, shpirt gare dhe karakter. Ngjiten në “skenë” Kamoranezi dhe Trezege, me dy gola. Manike jep shkëndijën e duhur, por është vonë. Roma mund të gëzojë!



Del Piero: Fitore e jashtëzakonshme

Eshtë në delir Alesandro del Piero për fitoren e arritur ndaj “armikut” historik, Interit, pikërisht në fushën zikaltër: “Ishte një paraqitje e jashtëzakonshme nga ana e skuadrës tonë. Një sukses i rëndësishëm në “San Siro” përballë ekipit kryesues. I vetmi gabim ishte që nuk e mbyllëm përpara ndeshjen, duke shënuar golin e tretë, sepse i kishim mundësitë, sidomos unë që humba rastin më të mirë, përballë me portierin. Sidoqoftë, ishim të përkryer”.



Ranieri: Ne ishim më të vendosur

Trajneri Klaudio Ranieri, është i kënaqur me Juventusin e tij dhe tre pikët e arritur me Interin: “Përpara ndeshjes kisha thënë se nuk kishim se çfarë të humbisnim dhe treguam se në të vërtetë kështu ishte, pasi djemtë luajtën të pashqetësuar dhe lirshëm, duke zbatuar të gjitha gjeometritë e lojës. Ishim më të vendosur për të fituar dhe ia arritëm qëllimit. Tani, pse të mos mendojmë për vendin e dytë? I kemi shanset, mjafton të luajmë kështu”.



Manço ankohet: Kishim mungesa

Roberto Mançini del i humbur në përballjen me Ranierin, trajnerin bardhezi: “Në pjesën e parë dominuam dhe krijuam më shumë, por mjaftuan disa gabime në mbrojtje dhe në sulm, duke mos finalizuar rastet që patëm, dhe pësuam dy gola. Gjithçka u bë më e vështirë, por ky moment është delikat, sepse kemi shumë të dëmtuar. Nëse i rikuperojmë, atëherë mund të fitojmë tetë ndeshjet e mbetura. Roma katër pikë larg? E kisha thënë, kjo është luftë deri në fund”.