Raul mbetet përsëri jashtë

Trajneri i kombëtares spanjolle, Luis Aragones, ka bërë të ditur dje listën e lojtarëve të grumbulluar për ndeshjen miqësore në mesjavë përballë Italisë. Në sy ka rënë edhe një herë tjetër mungesa e raul Gonzalezit, i cili ka mbetur përsëri jashtë kombëtares. Përpara pak javësh, Raul dhe tekniku Aragones u takuan së bashku për të qartësuar të gjithë konfliktet që kishin me njëri�tjetrin. Por, duket qartë se një takim i tillë nuk ka shërbyer aspak dhe nuk e ka bindur teknikun e Spanjës që të ndryshojë mendje. Megjithatë, situata vazhdon të mbetet e njëjtë dhe Raul përsëri nuk është pjesë e kombëtares spanjolle, e cila do të përballet me Italinë në mesjavë, në një miqësore luksi. I pyetur për këtë vendim të tij, tekniku Aragones siguroi se gjithçka vazhdon e qetë dhe se ai po bën vetëm detyrën e tij. “Për Raulin nuk dua të flas shumë. U takuam herën e fundit së bashku për të mos spekulluar me këtë temë. Unë kam marrë vendimet e mia dhe të gjithë duhet t’i respektojmë ato, qofshin edhe të gabuara. Më vjen keq që disa njerëz nuk arrijnë të më kuptojnë, por ky nuk është faji im”, tha Aragones, gjatë prezantimit të listës së 22 lojtarëve, duke thënë se kjo nuk ështën një listë deçizive. “Nuk ka asgjë për t’u shqetësuar. Kam grumbulluar 22 lojtarë për miqësoren me Italianë, por kljo nuk do të jetë përfundimtare. Në skuadër ka dëmtime, lojtarët të cilët kanë preokupime të tjera, kështu që na duhet edhe të provojmë lojtarë të rinj. Deri në finalet e Europianit, mund të kenë ndrysnuar shumë gjëra”, tha tekniku i Spanjës. E reja në listën e lojtarëve të publikuar nga Aragones, është futbollisti i Getafes, Ruben de la Red, ndërsa David Albelda ka mbetur jashtë, pasi nuk ka mundur të luajë me Valencian në takimet e fundit. Edh kapiteni i Espanjolit, Raul Tamudo, nuk është grumbulluar për shkak të një dëmtimi që po kalon aktualisht.