Aleks: Donadoni, më jep një shans!

Alesandro del Piero nuk ka “kufinj”. Forma e kapitenit të Juventusit është përmirësuar nga java në javë dhe “Pinturikio” vazhdon të dhurojë “copëza” të repertorit të tij, ashtu si magjia në pasimin për Trezegenë, një asist që francezi e shfrytëzoi. Në intervistën e dhënë për “Sky”, fantazisti i “Zonjës” është shprehur: “Mundohem të jap gjithmonë maksimumin, sidomos në momentet kur kërkohet diçka super nga unë dhe kur kërkohet që të mos gaboj, edhe pse e teprova këtë herë, duke mos shënuar përballë me portierin Sezar. Sidoqoftë, jam i lumtur me fitoren e arritur në “San Siro”, ndaj një rivali si Interi. Ky trepikësh na jep më shumë bindje në aftësitë tona dhe na tregon se mund të ndërtojmë një ekip konkurrues, për sezonin e ardhshëm”, tha Aleks, i cili më pas shtoi me shaka: “Më në fund i dhashë Stankoviçit fanellën, sepse kishte disa ndeshje që ma kërkonte, por i kisha thënë se vetëm kur të fitonim ne të Juventusit do ta ndërroja me të tijën”. Në fund, Aleks u ndal te mungesa në listën e grumbullimeve, të publikuar të shtunën nga Roberto Donadoni: “Të jem i sinqertë, këtë herë Donadoni nuk më telefonoi, sepse herën e shkuar më shpjegoi zgjedhjet e tij taktike dhe arsyen e mosthirrjes. Ai më njeh shumë mirë dhe në fund të llogarive dua të jem edhe unë, pikërisht në llogaritë përfundimtare. Sigurisht, do të më kishte ardhur mirë sikur të zhvilloja miqësoren. Për Europianin 2008, natyrisht: por, shihni se unë do të jem edhe në Euro 2012�n... Do të vazhdoj të stërvitem dhe të jap maksimumin, sepse besoj se do të vijë grumbullimi në qershor”.