Manço: E shihni që nuk jemi ne ata që vjedhin

Mes gjithë gabimeve të gjyqtarëve, realë dhe të mundshëm, të pësuar në përballjet direkte me Juventusin, “gafa” e mbrëmjes së të shtunës është ndoshta momenti më i dhimbshëm për Interin. Paradoksal? Jo. Mungesa e sinjalizimit të pozicionit jashtë loje të Kamoranezit, që i hapi rrugën e suksesit bardhezinjve në “San Siro”, vendosi fatin e supersfidës, duke rindezur shpresën e Romës për titull, me verdhekuqtë tashmë të shkëputur në �4 pikë larg kreut. Por nëse � ashtu si i gjithë ambjenti zikaltër përsërit me bindje të plotë � humbja me “Zonjën e Vjetër” do të zbulohet vetëm si një episod i pafat në një “sprint” kampionati sidoqoftë të lavdishëm për trupën e Mançinit, fakti që gabimi i vijërojtësit Nikoleti ka favorizuar pa dashur djemtë e Ranierit, duke dëmtuar Interin, tregon se gabimet janë njësoj për të gjithë dhe akuzat për një “ndihmë” për kryesuesit nuk janë aspak të vërteta. Ky ka qenë thelbi i mendimit të Roberto Mançinit, i cili duke përdorur ironinë tha: “Të paktën tani do ta mbyllin gojën dhe nuk do të thonë më se gjyqtarët na ndihmojnë”. Në këtë mënyrë është shprehur pas ndeshjes Roberto Mançini, duke interpretuar në mënyrën e tij mendimin e të gjithë ambjentit zikaltër. Sigurisht, Interi nuk është aspak i lumtur që ka humbur ndeshjen me Juventusin, ashtu si edhe për golin e parregullt të pësuar, por të paktën ka fituar një çështje të rëndësishme dhe tani askush nuk ka të drejtë t’i gjykojë se pikërisht bilbilat e Serisë A po kontribojnë në fitimin e titullit. Dhe, presidenti Morati mund të jetë i pari që e ka provuar këtë, edhe pse pas ndeshjes nuk ka thënë asgjë, por është larguar i revoltuar, saqë Mançini e justifikon sjelljen e tij: “Eshtë normale që të jetë i mërzitur dhe i xhindosur me gjykimin, prandaj s’mund të them se veproi mirë apo keq: gjithsecili e shpreh sipas mënyrës së tij zemërimin...”. Por, ndeshja me “Zonjën” i përket së kaluarës, sepse tani kanë mbetur edhe tetë javë dhe duhet që zikaltrit të mos hedhin më hapa fals, ndryshe do të rrezikon seriozisht përsëritjen e 5 majit 2002. “Nuk dua që të ndodhë diçka e tillë dhe besoj se do të fitojmë tetë ndeshjet e mbetura. Gjatë kësaj kohe do të rikuperojmë shumë të dëmtuar”. Në fund, çështja Kambiaso: “Eshtë ende i dëmtuar, sepse ka disa probleme në pulpë, ndaj duhet të pres përgjigje nga stafi mjekësor”.