Ançeloti: Do ta kapim Fiorentinën!

VIP Numri i postimeve : 1761 Registration date : 09/03/2008

Fitorja përballë Torinos ka risjellë optimizmin në kampin e Milanit. Ka qenë trajneri Karlo Ançeloti, i cili pas fitores në Torino është shprehur optimist për ecurinë e skuadrës së tij në tetë takimet e mbetura. Milani qëndron përsëri katër pikë prapa Fiorentinës, por tekniku Ançeloti beson te forca e skuadrës së tij. “Ka edhe tetë ndeshje deri në përfundim të kampionatit, të cilat duhet t’i fitojmë të gjitha për të kapur Fiorentinën. Jam i bindur se mund t’ia dalim mbanë sepse Milani i ka të gjitha forcat për të zhvilluar ndeshje të mëdha. Sigurisht që do të jetë shumë e vështirë sepse na duhet luajmë kundër Interit në derbi dhe Juventusit në Torino. Duhet të qëndrojmë të qetë dhe të tregohemi shumë të kujdesshëm sepse çdo gabim mund të na kushtojë shtrenjtë”, tha Ançeloti i cili tregon lëvizjen sekrete në fitoren e arritur përballë Torinos: “Pashë paton dhe Xhilardinon të cilët nuk po lëviznin shumë dhe për t’i bërë pak presion, nxorra në nxemje Paloskin. Pas pak çastet skuadra reagoi dhe shënoi golin e fitores”. Ndërsa Adriano Galiani pret një reagim shumë të mah nga skuadra e tij në ndeshjen përballë Atalantës në “San Siro”. “Duhet të thyejmë tabunë në fushën tonë dhe të mos humbasim më pikë. Kaka? Do të rikthehet pas dy javësh. Nuk do të jetë në ndeshjen me Atalantën, por do të luajë përballë Kaljarit”.