Junaited, i fituari i së dielës

VIP Numri i postimeve : 1761 Registration date : 09/03/2008

24 Mars

Mançester Junaitedi tashmë është pesë pikë para ndjekësit më të afërt në renditje, që dje u bë Çelsi, pasi mundi bindshëm 3�0 Liveprulin. Të kuqtë mbetën me dhjetë lojtar pasi Havier Maskerano doli me karton të kuq pas dy të verdhave. Gjithsesi, Mançesteri ishte duke dominuar edhe para dalies së argjentinasit me karton të kuq. Portieri Reina ishte në shumë raste vendimtar për ekipin e tij por nëse tek goli i parë i Ues Braunit nuk kishte çfarë të bëntem, tek i dyti, i realizuar nga Kristiano Ronaldo, ai ishte fajtor. Goli i tretë i “Djajve” u shënua nga Nani i cili vulosi me një gjuajtje të shkëlqyer “Pashkët”. Gjithsesi, dalja me karton të kuq e Maskeranos i demoralizoi disi lojtarët e Liveroulit. Mesfushori argjentinas, i cili ishte ndëshkuar me një karton të verdhë për një ndërhyrje ndaj Skolls, mori kartonin e dytë të verdhë pasi protestoi me gjyqtarin për një vendim ndaj Torresit. Gjyqtari kishte ndëshkuar me karton të verdhë Torres për arsye protestimi, kështu që ai ishte në një lloj mënyre i gatshëm të ndëshkonte edhe Maskeranon për të njëjtin qëllim. Nga ana tjetër djemtë e Fergusonit, po e dominonin ndeshjen edhe përpara dalies me karton të kuq, por ndeshja mbeti e hapur pas disa pritje shumë të bukura të portierit Reina. Mbrotja e Liverpulit ishte duke vuajtur shumë me topat e lartë, dhe nuk ishte një surprizë që goli i dytë erdhi nga një goditje me kokë. Reina arriti të bënte disa pritje shumë të rëndësishme ndaj Runit, Ronaldos dhe Tevez. Goli i tretë i Nanit i dha fund çdo lloj shprese që mund t’i kishte mbetur Liverpulit. Liverpuli pati mundësite e pakta të saja, por nuk arriti dot ta rihapte ndeshjen në asnjë rast.

Ferguson: Ishim të shkëlqyer, por lufta s’ka mbaruar!

Trajneri i Mançester Junaited ka parë ekipin e tij të bëjë një ndeshje të shkëlqyer ndaj Liverpulit. “Djajtë” arritën të fitonin bindshëm 3�0, ndeshje e cila i dha atyre edhe një shkëputje të konsiderueshme në renditjen e kampionatit. Ues Braun arriti të shënonte golin e parë për Junaited, si rrjedhojë e një krosimi të Uejn Runit. Ndërsa Liverpuli u detyrua të luante me dhjetë lojtar pas dalies me karton kuq të Maskeranos, i cili mori kartonin e dytë të verdhë pas disa ofendimeve drejt gjyqtarit. Liverpuli nuk arriti dot të shënonte në pjesën e dytë edhe pse ajo e rriti presionin, por ishte goli i Kristiano Ronaldos në minutën e 79, që e mbylli plotësisht ndeshjen. Vetëm një minutë pas golit të Ronaldos erdhi edhe goli i tretë i Nanit. Ferguson ishte shumë i kënaqur me formën e mirë të ekipit dhe në një intervistë ai tha: “Ishte një paraqitje vërtet shumë e mirë, një paraqitje që tregon që jemi pjekur. Kemi parë një ekip shumë më të pjekur këto gjashtë muajt e fundit, por në ndeshjen kundër Liverpulit, djemtë e mi arritën maksimumin”. Ndërsa kur u yet për kartonin e kuq të Maskeranos ai tha: “Ai ishte i ndëshkuar dhe vazhdonte të debatonte me gjyqtarin”. Më pas Ferguson refuzoi të fliste për kampionat të përfunduar: “Duhet të presim deri në fund, Çelsi dhe Arsenali janë duke luajtur shumë mirë. Kemi arritur të mundim një Liverpul të fortë, që luan një futboll të mirë

» Junaited "vret" Arsenalin!