Bledar Mancaku: Këtë shpërthim ëndërroja

Gjithçka në funksion të skuadrës”, është shprehur dje paradite sulmuesi durrsak i Besës, Bledar Mancaku, gjithnjë i gatshëm për të komunikuar me gazetarët. E vërteta është se sulmuesi po kalon një gjendje shumë të mirë, çka e provojnë golat e shënuar prej tij, që në tri ndeshjet e fundit radhazi kanë “prodhuar” plot 9 pikë. “E rëndësishme është që jo thjesht jemi në vendin e 3�të, por kemi shanse që mundet ndoshta të rrëzojmë dhe ndonjë parashikim tjetër”, thotë durrsaku, duke aluduar për mundësinë e ngjitjes një shkallë më lart.

� Mancaku, një fundkampionat me arritje për ju...

� Mund ta them me shumë çiltërsi, se këtë shpërthim kam ëndërruar kur vendosa që këtë sezon të luajë për Besën. Faktet dhe forma sportive më gëzojnë momentalisht, që po ecin paralel, si në planin individual ashtu dhe në ato të skuadrës.

� Pas Tiranës, ku shënuat dy gola me penallti, një dygolësh fiksuat dhe në Shkodër, njërin sërish nga pika e 11�metërshit...

� E rëndësishme në Shkodër qe fitorja e trepikëshit. Dy golat e mi kanë atë vlerë që kanë. Por më duhet të them se në këtë ndeshje kam shpërdoruar edhe disa raste të tjera “të qëruara”, nga dëshira e madhe për ta mbyllur sa më shpejt rezultatin në favorin tonë.

� Tri ndeshjet e fundit, Besa e pagabueshme...

� Në fazën e tretë duket sikur po “fotokopjojmë” paraqitjen shumë të mirë të fazës së parë. Nëntë pikë në tri ndeshjet e fundit kanë afruar shumë objektivin tonë për vendin e 3�të, që gjithsesi të jep një biletë europiane për në kupën Intertoto.

� Këtë kompeticion e njihni mirë, sepse keni luajur në radhët e Teutës më 1999, 2002 e 2004...

� Një kompeticion modest. Në tri pjesëmarrje kujtoj atë të vitit 2002, kur kaluam edhe një tur. Momentalisht, them se është pa diskutim më mirë të luajmë sërish në Europë, pasi përfiton mjaft nga kontaktet me skuadrat e ndryshme, se sa të rrinim “pa gjë”. Verën e kaluar Besa bëri një prezantim të mirë në kupën Uefa, kështu që e ka një “dritare” se ku duhet të shohë.

� Vijnë radhazi dy ndeshje tepër “delikate”, duke nisur nga kjo fundjavë me Partizanin, në Kavajë...

� Përballë të gjitha skuadrave më të forta të kampionatit, Besa ka dhuruar ndeshje mjaft të bukura dhe ka fituar shumë pikë. Me Tiranën e Vllazninë ka fituar dy ndeshje e ka barazuar një; me Partizanin kemi fituar në fazën e parë 2�1, ndërsa kemi barazuar në mënyën më spektakolare në fazën e dytë, në Tiranë, 3�3. Nga ky vështrim, as Partizani këtë të shtunë, por as Dinamo një javë më vonë, nuk na trembin. Kemi besim se do të ruajmë emrin e prestigjin edhe në këto sfida të radhës, që kanë vërtet rëndësi të madhe për o