Italianët pa kamera në vendvotime

Italianët pa kamera në vendvotime





Qeveria italiane ka sjellë një urdhëresë me anë të së cilës në
zgjedhjet parlamentare ndalohet sjellja e celularit me kamerë në
vendvotime. Ndalesa është pjesë e luftës kundër tregtisë me vota.
Përkundër dënimeve të larta, në Itali janë shënuar raste të shumta të tregtisë me vota.

Disa politikanë, posaçërisht ata nga jugu i vendit dhe në zonat me
ndikim të madh të mafies, kohëve të fundit i janë bërë ‘halë në sy’
organeve gjyqësore sepse kanë bërë tregti me vota.

Më së shpeshti bëhet fjalë për premtimet se personi i cili voton për një listë të caktuar do të fitojë vend të punës.

Votuesi duhet të dëshmojë se me të vërtetë ka votuar në pajtim me
marrëveshjen, e si dëshmi ata përdorin fotografitë e listës së
plotësuar të zgjedhjeve, të bëra në vendvotim me kamerë të celularit.