UEFA, edhe tri bileta

Tepër të ekulibruara çerekfinalket e kthimit në Kupës UEFA. Sigurisht përveç asaj në Shën Pjetërburg mes Zenitit vendas dhe Bajer Leverkusenit. Rusët fituan 4�1 në Gjermani një javë më parë dhe duket se e kanë siguruar vendin në gjysmëfinale. Atje do të ndeshen me fituesen e çiftit Getafe�Bajern Mynih. Spanjollët, në vështirësi në kampionatin vendas (pavarësisht barazimit 0�0 me Barçën në fundjavë) kanë treguar një formë mjaft të mirë në Europë. Në Mynih, një javë më parë, një gol i Kozmin Kontrës barazoi gjithçka në 1�1, duke ia ndërlikuar punët shumë bavarezëve. Sepse mjafton një 0�0 që gjigantët gjermanë t’i shtohen listës së “viktimave” të skuadrës së Laudrupit. Edhe Fiorentina ka mbyllur në barazim 1�1 takimin me PSV Eindhovenin në Itali dhe do të udhëtojë në Holandë me shpresën për të shënuar një gol. Ndërsa Gllasgou Rejnxhërs do të vizitojnë Lisbonën ku i pret Lisbona, pas barazimit pa gola në Skoci.