Juve-Milan: Për gjithçka!

VIP Numri i postimeve : 1761 Registration date : 09/03/2008

Juventus-Milan, edhe pse nuk luhet për titull, ka gjithmonë shijen e veçantë të përballjes mes dy prej skuadrave më të mëdha në Itali. Për bardhezinjtë duhet edhe pak që të arrihet objektivi, sigurimi i zonës së Champions League. “Nëse fitojmë ne, loja thuajse mbaron”, hidhet në sulm Mauro German Kamoranezi, i cili e konsideron këtë sfidë jo vetëm vendimtare për vendin në Europë, por për vendin e dytë. “Por kemi punë edhe me Romën: sepse synojmë edhe të kapim një vend më lart. Vendi i dytë është i rëndësishëm, sepse siguron pjesëmarrjen direkte në Champions dhe shmang fazën kualifikuese. Ato ditë më shumë pohimi janë të rëndësishme. Pa harruar që kemi edhe Europianin”. Por Kamoranezi, sikurse të gjithë në kampin bardhezi, nuk e beson se kuqezinjtë janë në krizë: “Mbetet gjithmonë një skuadër shumë e fortë, me lojtarë që mund ta zgjidhin ndeshjen në çdo çast. Nga ndeshjet e fundit më është dukur në formë, ka rikuperuar edhe Kakanë. Por pavarësisht nga rezultati, milani nuk do ta ketë të lehtë të rikuperojë ndaj nesh. Nuk e prisja ta shihja në këtë situatë në këtë pikë të kampionatit, por besoj se pikërisht për këtë do të jetë më i motivuar se ne”. Ndërsa për Paolo Maldinin, Juventusi është kundërshtarja e përhershme. Kundër bardhezinjve ka luajtur shumë ndeshje, por gjithsesi, e pret me të njëjtat emocione. “Juve mbetet Juve thotë kapiteni i Milanit. Bashkë me Interin është kundështari më i hershëm. Edhe Napoli ishte në këtë nivel në vitet 80, pastaj pak edhe romanet, por në fund lufta është bërë gjithmonë me Juven dhe Interin. Janë ndeshjet që kam më shumë dëshirë të luajë”. Maldini nuk i kursen lëvdatat për bardhezinjtë, të cilët nga kategoria e dytë janë ngjitur në vend të tretë në renditje. “Janë treguar të zotë, sepse ishte sezon i vështirë për ta. Ndoshta as vetë nuk e prisnin një ecuri të tillë. Por sigurisht që besuan dhe ia dolën. Juve është një klub ambicioz, për historinë dhe titujt që ka, si dhe për atë që mund të bëjë në të ardhmen. Pa harruar që kanë shfrytëzuar gabimet tona dhe të ndonjë skuare tjetër dhe kanë fituar besim me kalimin e javëve”. Pastaj, një fjalë edhe për Del Pieron: “Më mahnit ende, klasi i tij do të mbetet gjithmonë. Fizikisht më është dukur shumë mirë, shumë më mirë se vitet e tjerë. Ndoshta sepse ka ende objektiva, si kombëtarja”. Në fund, për vendin e katërt: “Duhet të marshojmë drejt vetes dhe vendit në Champions. Nuk arrij ta imagjinoj Milanin pa Champions dhe nuk dorëzohem deri sa të mos kemi as shpresën më të vogël”