De Rosi: Momenti më i vështirë i karrierës sime!

De Rosi ngrihet menjëherë në këmbë. Mesfushorit do t’i duhet kohë për të harruar atë penallti të “flakur” mbi traversë në mbrëmjen e “Old Trafford”�it, por pas eliminimit të Romës nga Champions 24�vjeçari i bën thirrje skuadrës që të përqendrohet në objektivat e tjerë, kampionat dhe Kupë. “Ky është momenti më i vështirë i karrierës sime sportive”, deklaroi De Rosi pas përfundimit të ndeshjes. “Megjithatë, kjo mbetet një skuadër e madhe dhe nuk mendoj se diferenca me Mançesterin mbetet aq e madhe”. Pa Champions, verdhekuqtë mund të përqendrohen tërësisht tek rimonta e tyre në kampionat ndaj Interit. “Mendoj që në këtë sezon jemi të destinuar për të fituar diçka të rëndësishme dhe Seria A është një objektiv plotësisht i realizueshëm”.Pavarësisht gabimit në gjuajtjen e penalltisë së fituar nga Mansini, De Rosi u duartrokit në fundin e ndeshjes nga tifozeria e zhvendosur në “Old Trafford”, një gjest shumë i rëndësishëm për të. “Më duartrokitën gjatë të gjithë ndeshjes dhe ky ishte një veprim shumë prekës për mua. I falenderoj që më qëndruan pranë në një moment kaq të vështirë. Midis meje dhe tifozerisë ekziston një marrëdhënie e fortë, e cila shkon përtej një penalltie të humbur”. De Rosi realizoi një gol me shumë peshë në fitoren 3�2 ndaj Xhenoas, por nuk mundi ta bënte këtë në “Old Trafford”, duke dërguar “mbi traversë” ato pak shpresa të Romës për përmbysjen e humbjes 2�0 të “Olimpico”�s. “Ishte një episod që mund të ndryshonte sezonin, por tani nuk mund të bëjmë asgjë për ta ndryshuar, prandaj duhet të shohim përpara. Disa javë më parë i bëra tifozëve një gjysmë premtimi për titullin. Jemi pas Interit dhe mbeten edhe pak javë, por mendoj që kemi përsëri shanse për të fituar titullin”.

Spaleti: Ah, kjo penalltia!

Trajneri i Romës, Luçiano Spaleti, në përfundim të ndeshjes së “Old Trafford” deklaroi: “Nëse De Rosi do të kishte realizuar atë penallti, atëherë e gjithë ndeshja do të kishte ndryshuar. Kur merr një përgjegjësi të tillë, si ajo që Daniele mori duke gjuajtur penalltinë në mënyrë perfekte ndaj Xhenoas, duhet pranuar që ndonjëherë të shkojë edhe keq. Eshtë e vërtetë që shpëtuam mirë në 2�3 raste në fillimin e ndeshjes, por disa rreziqe duhet t’i merrnim përsipër, duke qenë se duhet të shënonim patjetër të paktën dy gola. Mançesteri është me të vërtetë një skuadër jashtëzakonisht e fortë dhe nuk mund të akuzoj për asgjë skuadrën time”.