Fergi: Dua dopietën!

Trajneri i Mançesterit, Sër Aleks Ferguson, ka besim në aft-sinë e skuadrës së tij për të fituar titullin kampion në Angli dhe Champions League në javët e mbetura. Junaitedi do të përballet në gjysmëfinale me Barcelonën, pasi fitoi 3�0 me rezultat të përgjithshëm ndaj Romës dhe kryeson Premier League kur mbeten edhe pesë javë nga fundi. Nëse Mançesteri do të arrijë të fitojë të dy kompeticionet, atëherë ky do të shndërrohet në sezonin e dytë më të mirë gjatë drejtimit të Fergusonit, pas tripletës së famshme të vitit 1999. “Po presim me padurim sfidat e ardhshme dhe skuadra është në formën e duhur për t’i përballuar ato”, deklaroi Ferguson, skuadra e të cilit duhet të përballet ende me Çelsin dhe Arsenalin në kampionat. “Për momentin kemi disa dëmtime që na kanë detyruar të bëjmë ndryshime, por Fletçer, Vidiç dhe Nani janë pranë rikthimit, ndërsa Saha u rikthyer në stërvitje me skuadrën gjatë javës”.

Në ndeshjen përballë Romës, Mançesteri luajti me shumë zëvendësues dhe fitorja e arritur ishte një tjetër provë e forcës së stolit të “Djajve të Kuq”. Fergi ishte në gjendje të linte në stol Kristiano Ronaldon, Uejn Runin dhe Pol Skolsin, për të aktivizuar Ji�Sung Parkun, Tevezin dhe Ouen Hergrivsin, paraqitja e të cilëve meritoi një lavdërim të posaçëm prej Sër Aleksit. “Eshtë e qartë që dy prej futbollistëve të mi më të mirë në fushë ishin Tevezi dhe Parku”, deklaroi Fergusoni në konferencën për shtyp pas ndeshjes. “Tevezi ka një aftësi të çuditshme për të shënuar gjithmonë gola vendimtarë në ndeshjet e vështira. Megjithatë, në i miri në fushë ishte absolutisht Hargrivsi. Ai ishte thjesht i jashtëzakonshëm dhe ndihem i lumtur me skuadrën që kam, pasi secili prej lojtarëve mund të luajë pa problem dhe të bëjë diferencën”.

Rio Ferdinand ishte në dyshim pas një dëmtimi që pësoi në barazimin 2�2 me Midëllsbroun të dielën, por qendërmbrojtësi zhvilloi 90 minuta ndaj Romës, pas tre qepjeve në këmbën e tij të djathtë. Ferguson konfirmoi se Rio do të jetë i pranishëm në përballjen e fundjavës me Arsenalin, ashtu si Majkëll Karrik, që braktisi fushën 15 minuta nga përfundimi me një dëmtim në kavilje. “Mendoj që Karrikun e largova në momentin e duhur nga fusha. Do t’i duhet të qëndrojë disa ditë pushim, por mendoj që do të jetë në gjendje të luajë Arsenalit. Ndeshjet ndaj tyre janë gjithmonë ndeshje tepër luftarake dhe nuk i dihet kurrë si mund të përfundojnë, por fakti që Runi, Ronaldo dhe Skols nuk luajtën ndaj Romës përbën një plus. Në çdo rast, do të jetë një ndeshje e madhe dhe nuk mendoj se lodhja e Arsenalit ndaj Liverpulit do të ndikojë në fatet e ndeshjes”.

Mançester rekordesh!

Junaitedi u shndërrua me fitoren 1�0 ndaj Romës në skuadrën e parë në Europë që arrin 11 fitore radhazi në shtëpi në Champions League. Rekordi i mëparshëm mbahej nga Juventusi, me dhjetë fitore radhazi në vitet 1997 dhe 1998. Skuadra e fundit që i ka rezistuar “Djajve” në “Old Trafford” është Vilareali, me një barazim