Ançeloti: Nuk e firmos barazimin!

Sot ndeshja e madhe me Juventusin, por tek Milani mendojnë më shumë për merkaton. Galiani praktikisht lajmëroi për blerjet e Ronaldinjos dhe Shevçenkos, ndërsa Ançeloti, në një konferencë për shtyp u jep praktikisht mirëseardhjen të dyve. “Nuk jam shprehur kurrë kundër një rikthimi të mundshëm të Shevçenkos dhe nuk kam thënë kurrë që ai nuk mund të luajë së bashku me Paton. E vetmja gjë që kam thënë më parë ëshët që kanë karakteristika të ngjashme. Dinjo? Do të ishte shumë i vlefshëm në skemat tona”.

Rruga Champions � Përballja e sotme me Juventusin për kuqezinjtë do të jetë përcaktuese në shanset e Milanit për arritjen e vendit të katërt në kampionat. “Lufta e Champions do të përcaktohet nga një ecuri që do të mbyllet me disa ndeshje të rëndësishme. Juventusi po kalon një momnt të mirë, por ne do të luajmë me vetëdijen që duhet të fitojmë me çdo kusht pikë. Eshtë e qartë që ata do të luajnë me shumë agresivitet, me disiplinë dhe kanë në radhët e tyre kampionë me shumë përvojë. Nuk kam dyshime që do të jetë një ndeshje e madhe, por skuadra jonë është në rritje, ka besim në aftësitë e saj dhe në ndeshjen me Kaljarin tregoi një përmirësim të dukshëm të lojës së saj”.

Formacioni � Ançeloti vazhdoi të fliste për formacionin që do të përdorë. “Pato? U stërvit deri të enjten e kaluar, pastaj ndërpru stërvitjen për shkak të problemeve të tij muskulore. Eshtë rikthyer prej një dite në stërvitje, por nuk do të rrezikojmë. Ndaj Juventusit do të luajë Inzagi dhe nëse është e mundur, në dyshe me Xhilardinon. Dyshimet më të mëdha qëndrojnë tek mbrojtja. “Të gjithë janë riaftësuar, me përjashtim të Jankulovskit që vazhdon të ketë shqetësime në gju. Favali është riaftësuar. Nesta nuk mund të luajë pas apeli rrëzoi kërkesën tonë për t’i reduktuar pezullimin, por në çdo rast na mbeten lojtarë me përvojë si Simiç, i cili është në formë të mirë de mund të luajë. Edhe Serxhinjo është rikthyer të stërvitet pas shume kohe dhe nëse rigjen formën e duhur, mund të jetë i rëndësishëm për ne në ndeshjet e fundit”.

Juventusi � Trajneri i Milanit, pranoi se i druhet shumë bardhezinjve. “Juventusi po kalon një gjendje shumë të mirë. Ranieri ka bërë një punë shumë të mirë dhe janë të freskët, pasi nuk morrën pjesë në Europë në këtë sezon. Përparimi i tyre është shumë i shpejtë duke patur parasysh që vinin nga Seria B. Barazimi? Vazhdoj të besoj që ky Milan mund të mundë këdo në ditën e tij të mirë dhe mbërrijmë në këtë ndeshje me një gjendje të mirë fizike e mendore që na jep garanci të mira”