BARCELONA E KA ELIMINUAR SCHALKE-n DHE ËSHTË KUALIFIKUAR NË GJYSMËFINALE TË LIGËS SË KAMPIONËVE KU D PDF Printoni E-mail

Menaxheri i Barcelonës, Frank Rijkaard, ishte i qetë pas ndeshjes kundër Schalkes. Pas fitores në ndeshjen e parë me rezultat 1:0, blaugranët fituan me të njëjtin rezultat edhe në ndeshjen e kthimit falë golit të mesfushorit të Bregut të Fildishtë, Yaya Toure-s, i cili realizoi në përfundim të pjesës së parë. Barcelona, skuadra e vetme jo angleze në mesin e katër më të mirave këtë stinor në Ligën e Kampionëve në gjysmëfinale do të ketë punë të vështirë kundër kampionit anglez Man.Utd dhe Rijkaard e di këtë. "Mendoj që duhet të përgatitemi maksimalisht në dy javët e ardhshme për të zhvilluar dy ndeshje spektakulare kundër një skuadre jashtëzakonisht mirë të përgatiur dhe e cila di të luajë futbollin tepër mirë dhe jam i gëzuar që Barcelona ka për kundërshtar Man.Utd. I pyetur se si do të zhvillohen ndeshjet Rijkaard tha: “Nuk e di, do të shohim së paku në letër e dimë të gjithë që kemi të bëjmë me dy skuadra që njihen për futboll të bukur”. Barcelonës në ndeshjen e parë gjysmëfinale do t’i mungojë qendërmbrojtësi Carles Puyol, i cili është i suspenduar, mirëpo për ndeshjet gjysmëfinale të gatshëm do të jenë Llionell Messi dhe Anderson Deco. "Ne jemi dy skuadra të cilat kemi dëshirë të mbajmë topin shumë, kështu që mund të paramendojmë se çfarë ritmi do të kenë ato ndeshje, ka thënë pas takimit me Schalke-n mesfushori gjenial i Barçës, Andres Iniesta. Ndeshja e parë do të zhvillohet pas dy jave në Camp Nou.