Juve me shpirt, Milan dorëzohet

JUVENTUS 3

MILAN 2

Shënues: Del Piero 12', Salihamixhiç 45', 80'/ Inzagi 14', 31'

E shtunë, 12 prill 2008, ora 20:30, në stadiumin “Olimpico” të Torinos

Juventus (4�4�2): Bufon, Grigera, Legrotalje (Stendardo 51'), Kielini, Molinaro, Kamoranezi (Noçerino 90'+1), Tiago, Sisoko, Salihamixhiç, Trezege (Iakuinta 78'), Del Piero. Tr.: Ranieri

Milan (4�3�2�1): Kalaç, Bonera, Simiç, Maldini, Favali, Gatuzo (Xhilardino 83'), Pirlo (Broki 89'), Ambrozini, Kaka, Sedorf, Inzagi (Kafu 69'). Tr.: Ançeloti

Gjyqtar: Roki

Karton i kuq: Bonera 66' (Milan)

Hasan Salihamixhiç, një emër që do të mbahet mend gjatë te tifozët e Juventusit, por jo vetëm, dy iniciale që mund të vendosin edhe për pjesmarrjen e sigurtë në Champions League. Boshnjaku shënon “dopietën” e parë në kampionat, ndaj Milanit, i cili detyrohet që të “dorëzohet” përballë bardhezinjve. Në “Olimpico” përfundon 3�2 për “Zonjën e Vjetër”, për efekt edhe të golave të Del Pieros dhe Inzagit. Një sfidë spektakolare, e denjë për një derbi Italie. Pjesa e parë është një “shou” puro, me kapitenin Aleks që ndez menjherë duelin, duke mposhtur Kalaçin, por SuperPipo barazon situatën, duke i dhënë më pas avantazhin kuqezinjve, një përmbysje që mban “aromën” e trepikëshit, por nuk është kështu, sepse në fund të pjesës së parë është Salihamixhiç ai që fikson rezultatin në 2�2. Në pjesën e dytë ritmi ulet, por lufta sportive është e ashpër, sidomos në mesfushë, deri kur episodi që vendos ndeshjen është i Bonerës, i cili ndërhyn ashpër Sisokos, duke marrë karton të kuq. Milani me dhjetë dhe Juventusi përfiton, me Salihamixhiç, që shënon me kokë. Minutat e fundit janë administrim për “Zonjën”