Milan-Dinjo, afron “martesa”!

VIP Numri i postimeve : 1761 Registration date : 09/03/2008

Duket se “martesa” midis Ronaldinjo dhe Milanit është shumë afër dhe këtë e ka konfirmuar adiministratori i deleguar i kuqezinjve, Adriano Galiani. Mendohet që ky i fundit do të udhëtojë javën e ardhshme në Barcelonë për të arritur zyrtarisht marrëveshjen me drejtuesit katalanas. Vëllai i Ronaldinjos, Roberto de Asis dhe Adriano Galiani janë takuar për të dytën herë radhazi, ku kanë darkuar së bashku me Ernesto Bronxetin, këshilltar i merkatos midis Italisë dhe Spanjës. Në deklaratat e dhëna për të përditshmen italiane “La Gazzetta dello Sport”, Galiani ka konfirmuar se akordi me Ropnaldinjon është shumë afërm por duhet të pritet java e ardhshme, ndoshta dita e martë, për të zyrtarizuar gjithçka. “Jemi shumë afër qëllimit tonë, megjithatë asgjë nuk ka përfunduar. Duhet të presim edhe pak”, ishin fjalët e Galianit pas takimit të dytë me vëllain dhe menaxherin e yllit brazilian. Sipas shtypit italian, klubi i Milanit është i gatshëm të ofrojë një kontratë deri në vitin 2012 dhe një rrogë prej 8 milion eurosh në sezon për Ronaldinjon. Por, problemi qëndron te shumë që do të përfitojë kubi i Barcelonës për shitjen e Ronaldinjos. Kuqezinjtë ofrojnë 20 milion euro, ndërsa drejtuesit katalanas kërkojnë plot 30 milion euro. Kjo është një pikë shumë e rëndësishme, e cila do të diskutohet javën e ardhshme, kur dy klubet do të takohen me njëra�tjetrën. Deri atëherë, gjërat do të mbeten siç janë, por vetëm takimi i Galianit në Barcelonë me drejtuesit e klubit katalanas do të zbardh misterin mbi të ardhmen e Ronaldinjos. Për momentin, duket se të dyja palët janë dakord, por i vetmi shqetësim është shuma që Milani do t’i paguajë Barcelonës. Ekziston edhe një mundësi, që në bazë të rregullit 17 të FIFA�s, kuqezinjtë mund ta blejnë Ronaldinjon për vetëm 16 milion euro, një çmim shumë qesharak duke patur parasysh rëndësinë e një ylli si Ronaldinjo.

Roberto de Asis konfirmon bisedimet

Vëllai dhe menaxheri i Ronaldinjos, Roberto de Asis, në një intervistë të dhënë për të përditshmen italiane “La Gazzetta dello Sport”, ka konfirmuar para�akordin midis brazilianit dhe drejtusve të Milanit. “Ronaldinjo dhe Milani kanë rënë dakord për momentin, por akoma nuk është vendosur asgjë. Nuk kemi firmosur dhe zyrtarisht nuk ekziston asnjë kontratë e firmosur. Milani është një klub i madh dhe vëllai im ndihet shumë krenar, gjithmonë nëse ky operacion do të realizohet, megjithatë nuk duhet të nxitohemi”, tha De Asis, i cili gjithashtu konfirmon se Ronaldinjo ka një kontratë aktuale me klubin katalanas. “Dinjo ka një kontratë, por unë nuk mund të konfirmoj asgjë. Eshtë futboll dhe gjithçka mund të ndodhë. Unë nuk mund të them asgjë, por duhet të presim edhe pak për të qartësuar gjithçka. Ronaldinjoka një kontratë deri në vitin 2010 me Barcelonën, duhet të rikuperohet nga dëmtimi dhe vetëm koha do ta tregojë se çfarë do të ndodhë me të”, tha vëllai i Ronaldinjos: “Dëshira e vëllait tim është që të rikuperohet sa më shpejt dhe shpresojmë që të ndodhë kështu. Ronaldinjo ka shumë dëshirë të luajë dhe të rikthehet në fushën e blertë”.

Barça nuk mohon asgjë

Pas deklaratave të Roberto de Asis, i cili ka konfirmuar se Ronaldinjo është shumë afër kalimit për te Milani, drejtuesit e Barcelonës nuk kanë mohuar asgjë në lidhje me të ardhmen e yllit brazilian, por vetëm kanë qëndruar në heshtje. Presidenti i klubit katalanas, Hoan Laporta dhe Zv.presidenti Mark Ingla, nuk kanë dashur të flasin në lidhje me çështjen e Ronaldinjos dhe kalimin e tij te Milani. Për momenti, drejtuesit katalanas nuk kanë dhënë asnjë deklaratë në lidhje me të ardhmen e Ronaldinjos dhe gjithashtu nuk kanë dalë në konferencë për shtyp për të konfirmuar ose mohuar tratativat me klubin milanez. Heshtja e Barcelonës dhe e drejtuesve të saj, lenë të kuptohet se Ronaldinjo është shumë afër Milanit. Në kampin katalanas të gjithë e kanë mendjen te rikthimi i Lionel Mesit dhe te ndeshja midis Mançester Junaitedit në Champions League. Dy sfidat me “Djajtë e Kuq” janë në qendër të vëmendjes dhe priten me shumë interes nga kampi katalanas.

Saki: Dinjo s’ka qenë gjithmonë profesionist!

Ish�trajneri i kombëtares italiane, Arrigo Saki, ka akuzuar Ronaldinjon për formën e tij të dobët dhe mos impenjimin në stërvitje. “Ronaldinjo kurrë nuk është stërvitur me impenjimin e duhur dhe profesionalizmi i tij nuk ka qenë gjithmonë i jashtëzakonshëm. Zoti i ka dhënë shumë cilësi dhe talent, por ai nuk ka ditur t’i shfrytëzojë gjithmonë ato”, tha Saki, i cili shprehet se rikthimi në formën e mëparshme varet vetëm nga vetë lojtari brazilian. “Ronaldinjo është ai që ka në dorë të ardhmen e tij. Nëse vazhdon të stërvitet shumë, atëherë mund të rikthehet në nivelet e mëparshme. Këtë sezon Ronaldinjo pothuajse nuk ka luajtur fare, kështu që mendoj se do t’i duhet një punë shumë e madhe për të arritur formën e duhur”.

Krujf: Roni duhet të zgjedhë më të mirën!

Ish�lojtari dhe trajneri i Barcelonës, Johan Krujf, ka dalë në mbrojtje të Ronaldinjos, për të cilin ka thënë se duhet marrë një vendim që t’i duket i përshtatshëm për të ardhmen e tij. “Nëse gjërat nuk funksionojnë ashtu siç duhet dhe nëse Ronaldinjo nuk dëshiron të qëndrojë në Barcelonë, atëherë mendoj se duhet të largohet. Ai e di vetë se çfarë duhet të zgjedhë dhe është i lirë të bëjë çfarë të dojë. Ronaldinjo duhet të zgjedhë mundësinë më të mirë për veten e tij dhe ai e di se cila është kjo mundësi. E ardhmja i përket vetëm lojtarit dhe nëse ky i fundit vendos të largohet, atëherë mund ta bëjë një gjë të tillë. Jam i bindur që Ronaldinjo ka akoma për të biseduar. Mendoj se pa u sqaruar jithçka me Barcelonën, ai nuk duhet të marrë asnjë vendim”.

» Drogba - Milan apo Real?