Mançini: Po afron fundi dhe gabimet na kushtojnë

Zlatan Ibrahimoviç nuk grumbullohet edhe ndaj Fiorentinës. Suedezi ndihet më mirë, por Roberto Mançini, trajneri zikaltër nuk ka ndër mend ta rrezikojë për këtë ndeshje dhe pohon: “Mund të kthehet të dielën e ardhshme, në sfidën ndaj Torinos!”. Ndërkohë, sot në mbrëmje, suedezi do të ndjekë nga televizori duelin me ekipin vjollcë. Trajneri zikaltër, i cili është prezantuar në konferencën për shtyp me syze dielli për të fshehur një alergji te bezdisshme, ka nënvizuar vështirësitë që djemtë e tij mund të hasin pikërisht ndaj ekipi të Prandelit, i cili po befason të gjithë: “Të gjitha takimet janë të vështira, në veçanti kjo sfidë, sepse kemi fatin e keq për t’u përballur me një skuadër në formë të shkëlqyer. Do të jetë e vështirë si në Bergamo, por është e rëndësishme që të vazhdojmë të fitojmë”. Pasi ka “dribluar” më pas argumentin Ronaldinjo (“Në këtë moment mendoj për gjashtë ndeshjet e fundit të kampionatit”), tekniku ka folur për Mario Balotelin, duke e inkurajuar: “Pranë portës është më i rrezikshëm, por është i ri dhe mund të mësohet edhe në role të tjera”. Në vazhdim, Manço ka folur për zërat në lidhje me një lëkundje të pozicionit të tij në pankinë: “Në të vërtetë, kanë dalë shumë emra në qarkullim, për fajin tim, por janë pjesë e lojës dhe nuk më takojnë”. Më pas, përqëndrimi te ndeshja me Fiorentinën dhe lufta për titull, që vazhdon: “Nëse Roma do të kishte pasur edhe Champions dhe do të ishte kualifikuar, ndoshta tani do të ishim më të qetë. Skuadra ndihet mirë në krahasim me të kaluarën, por të gjithë e dimë se Fiorentina është skuadra e momentit dhe me PSV�në i pashë në një formë të shkëlqyer. Nëse Mutu luan ashtu si di, do të kemi probleme”.

Prandeli: Në Milano, ashtu si me PSV�në!

E djeshma, e sotmja dhe e nesërmja kanë një ndërthurje të veçantë në fjalët e Çezare Prandelit. Trajneri vjollcë tregon në prag të Inter�Fiorentina: “Duhet të harrojmë elozhet që morrëm pas fitores në Holandë, ndaj PSV Eindhovenit. Në stërvitja kam parë lojtarët të motivuar dhe do të zbresim në “San Siro” me vetëdijen se mund të marrim një rezultat të rëndësishëm. Do t’i kërkoj ekipit të njëjtën sjellje dhe duhet të kemi të njëjtën siguri. Natyrisht, me zikaltrit s’na lejohen gabime, sepse kanë futbollistë që mund të bëjnë diferencën në çdo moment. Champions? Ne do të mendojmë të fitojmë sa më shumë ndeshje të mbetura, për të bërë llogartë në fund”.