Venger: Edicionin e ardhshëm prioritet do të jetë fitimi i trofeve

[tr][td class=lajmikryesor_intro] Trajneri i Arsenalit, Arsen Venger, ka pohuar se në edicionin e ardhshëm synim prioritar i skuadrës që ai drejton do të jetë fitimi i trofeve, por njëherësh ka paralajmëruar se nuk do të heq dorë nga stili sulmues i lojës së skuadrës së tij. [/td][/tr][tr][td]Në një bisedë për "BBC", Vengeri ka thënë se është krenar me futbollistët e tij, përkundër faktit se skuadra ka mbetur pa gjasa për ta fituar ndonjë trofe në këtë edicion. "Sigurisht se nuk do të ndryshojmë asgjë në qasjen e lojës, por që të fitojmë trofe në vitet e ardhshme duhet të punojmë shumë më mirë", ka shtuar Venger. Duke komentuar fondin e futbollistëve me të cilët disponon, Vengeri ka shprehur kënaqësinë për cilësitë individuale të disa prej futbollistëve të Arsenalit dhe ka paralajmëruar se synim kryesor në afatin kalimtar të verës do të jetë ruajtja e këtij kuadri. Ai veçmas ka përmendur faktin se Arsenali gjatë këtij edicioni ka luajtur mjaft lojë të pëlqyeshme dhe ka shprehur bindjen se "topçinjtë" në mënyrën më të mirë të mundshme kanë promovuar Ligën Premiere në mbarë botën. Vengeri e drejton Arsenalin që nga viti 1996, kurse në tri vitet e fundit "topçinjtë" kanë fituar vetëm një trofe - Kupën e Ligës (2007).[/td][/tr]