nteri nuk e ndal “vrapin”

Fiorentina 0

Shënues: Kambiaso 55', Baloteli 62'

E diel, 13 prill 2008, ora 20:30, në stadiumin “San Siro” të Milanos

Inter (4�3�1�2): Hulio Sezar, Maikon, Burdiso, Materaci (Kivu 73'), Maksuell, Vieira, Kambiaso, Zaneti, Stankoviç (Figo 89'), Kruz, Baloteli (Sezar 77'). Tr.: Mançini

Fiorentina (4�3�3): Frei, Jorgensen, Gamberini, Ujfalushi, Gobi, Kuzmanoviç, Liverani (Osvaldo 78'), Montolivo (Paskual 71'), Santana, Pacini ((Vieri 56'), Mutu. Tr.: Prandeli

Gjyqtar: Sakani

Kanë mjaftuar golat e Kambiasos dhe Balotelit për të mundur një Fiorentinë të lodhur nga sfida e fituar në mesjavë, në Holandë, ndaj PSV Eindhovenit. Pas një pjese të parë të vështirë, në të cilën Interi ka ushtruar presion, por ka gjetur përballë një Frei të jashtëzakonshëm, i cili ka pritur të gjitha gjuajtjet e djemve të Mançinit, duke nisur me Burdison, Kruzin, Kambiason, por edhe “silurën” e kapitenit Zaneti, në 45 minutat e dyta vjollcët janë kthyer prapa, për të ruajtur të paktën barazimin, por vendosmëria e të zotëve të shtëpisë ka qenë e madhe dhe dëshira për të marrë tre pikë po ashtu, kanë dominuar mbi miqtë, të cilët janë “dorëzuar”, në fillim përpara goditjes së Kambiasos, i cili është shërbyer nga Vieira në qendër të zonës së rreptësisë, dhe nga SuperMario Baloteli, që ka përfituar nga një asist i Kruzit dhe nga vendosja e gabuar e mbrojtjes së Fiorentinës, duke u treguar i “ftohtë” përpara portierit. Një fitore e rëndësishme, që mban në +4 avantazhin me Romën, pesë javë nga fundi i kampionatit.

Mançini: Karakteri i djemëve më pëlqeu

“Ishte një ndeshje e vështirë, e cila u zhbllokua vetëm në pjesën e dytë, ku ushtruam më shumë presion dhe konkretizuam rastet që patëm. Në pjesën e parë u ndalëm nga një SuperFrei, i cili bëri disa pritje të shkëlqyera, ndaj në total e merituam, sepse djemtë dhanë maksimumin”. Në këtë mënyrë u shpreh Roberto Mançini pas suksesit të arritur me Fiorentinën. Trajneri zikaltër më pas foli edhe për kampionatin: “Eshtë gjithmonë i hapur, sepse asnjëherë nuk e kam konsideruar të mbyllur, përderisa matematika nuk e lejon një gjë të tillë. Sigurisht, avantazhi që kemi me Romën është i rëndësishëm, por kanë mbetur edhe pesë javë deri në fund dhe nuk do të jetë aspak e lehtë. Kalendari uk është i lehtë për askënd, ndaj kam përshtypjen se si ne, ashtu edhe Roma, do ta kemi të vështirë. Jam i kënaqur nga loja e zhvilluar dhe sepse disa lojtarë që na kishin munguar janë duke rikuperuar. Ibrahimoviç? Javën e ardhshme do të nisë të stërvitet me skuadrën dhe ndoshta do të luajë me Torinon. Kupa e Italisë? Ne nuk do të tolerojmë, sepse e duam edhe atë trofe”.

Prandeli: Lodhja u ndje sidomos në pjesën e dytë

Çezare Prandeli është i kënaqur me lojën e zhvilluar nga Fiorentina e tij, edhe pse pranon se për disa gabime, ekipi vjollcë u ndëshkua nga Interi: “E prisja një presion të Interit, sidomos në pjesën e dytë, sepse ata ishin më të freskët dhe ishte normale rendimenti ynë të binte ndjesshëm, pasi kishim luajtur në mesjavë. Në 45 minutat e para provuam që të krijonim, por e kishim të vështirë, sepse zikaltrit në mesfushë janë tepër të mbuluar. U mundova të hidhja forca më të freskëta në fushë, por avantazhi i tyre na kushtëzoi që të sulmonim dhe pësuam golin e dytë, për një shpërqëndrim në vendosje”, tha Prandeli, i cili më pas foli edhe për zonën Champions: “Natyrisht, fati ynë ishte se të gjithë ndjekësit humbën dhe kjo na jep më shumë qetësi, por s’duhet të mendojmë për të tjerët, por vetëm për ndeshjet që na kanë mbetur, të cilat s’do të jenë aspak të lehta, pasi skuadrat luftojnë për objektiva të ndryshme, sidomos ato ekipe që do të mundohen të marrin sa më shumë pikë për të mos rënë në kategori”.