Murinjo në verë te Interi

[tr][td class=lajmikryesor_intro] Ish-trajneri i Çelzit, Hose Murinjo ka Arritur marrëveshje me pronarin e Interit, Masimo Morati dhe që nga edicioni i ardhshëm do ta drejtojë skuadrën zikaltër në vend të Roberto Mançinit, kanë bërë të ditur mediat angleze. [/td][/tr][tr][td]Edhe pse Interi zyrtarisht ende nuk ka dalë me ndonjë deklaratë rreth kësaj çështjeje, Morati dhe Murinjo duket se kanë arritur marrëveshje gjatë fundjavës, kurse miqtë e ngushtë të Murinjos kanë konfirmuar për mediat angleze se trajneri portugez gjatë kësaj vere do të kthehet në detyrën e trajnerit dhe tashmë ka filluar të përpilojë listën me emrat e futbollistëve që dëshiron t'i ketë tek Interi. Gjithnjë sipas mediave angleze Murinjo dëshiron të transferojë në Inter, Frank Lampardin dhe Didie Drogbën. Lampardi sipas të gjitha gjasave nuk do të nënshkruajë kontratën e re me Çelzin, kurse dihet se ai edhe më parë ka shprehur dëshirën që të luajë jashtë Anglisë, derisa Didie Drogba pas largimit të Murinjos nga Çelzi vazhdimisht ka pasur probleme. Duke pasur parasysh këto fakte dhe marrëdhënien e tyre të mirë me Murinjon, atëherë mund të pritet që këta dy futbollistë të kalojnë në radhët e klubit zikaltër.[/td][/tr]