Ranieri: Të bëjmë sforcon e fundit!

“Ashtu si thoshte Trapatoni, mos thuaj mace nëse nuk e ke në thes...”. Klaudio Ranieri buzëqesh, duke menduar për Champions League. Europa që ka rëndësi është vetëm një hap larg dhe sot mund të vijë edhe siguria matematikore, në ndeshjen me Atalantën, në të cilën trajneri i Juventusit beson te djemtë e tij, edhe pse frenon entuziazmin, pasi asgjë nuk është ende e mbaruar: “Në fillim duhet ta arrijmë, më pas të flasim. Duhet të jemi të përqëndruar në ndeshjet që në presin dhe për sfidën me Atalantën, kundërshtari ynë i kësaj jave. Vetëm nëse fitojmë mund të themi se e kemi mbyllur në mënyrë të shkëlqyer këtë javë. Formacioni? Zaneti është rikuperuar, ndërsa për Kielinin nuk mund të jemi ende të sigurtë. S’do të ketë asnjë rrotacion. Bufon? Ai ka thënë se i duhet pushim, por nuk shoh arsye pse duhet të bëjë, në këtë moment, pasi ndihet shumë mirë. Edhe Legrotalje dhe Zebina janë në dispozicion. Paladino? Do të doja edhe unë që ai të luante më shumë. Nedved? Ai do të luajë me ne edhe sezonin e ardhshëm. Nuk është një nga ata futbollistë që dorëzohet shumë lehtë”. Në fund, mentaliteti fitues i “Zonjës”: “Duhet të jemi më të mirët, ky është fati i Juventusit. Askush nuk kënaqet me pak dhe kampionët që kemi në skuadër, Bufon, Kamoranezi, Nedved, Del Piero dhe Trezege, i kanë transmetuar mentalitetin dhe ADN�në të rinjve, të cilët janë me fat që luajnë me këtë fanellë prestigjoze”.