Serie A: Shpërthejnë Roma, Juve dhe Milani

VIP Numri i postimeve : 1761 Registration date : 09/03/2008

Sulmuesi i Milanit, Filippo Inzaghi, ka shënuar hat-trick në fitoren e thellë prej 4-1 të kuqezinjve në fushë të Livornos, derisa me po të njëjtin rezultat fitore ka shënuar edhe Roma si nikoqire e Torinos. Edhe më shumë gola ka shënuar Juve, gjithsej pesë, që ka pritur në fushë të vet Lazion.
Goli i parë i Inzaghit erdhi pas 23 minutash lojë, derisa dy golat e tjerë erdhën shpejt pas fillimit të pjesës së dytë (52’ dhe 59’), në ndeshjen e luajtur ndaj Livornos. Clearence Seedorf shënoi edhe një gol tjetër për Milanin (71’), dy minuta para se Knezeviq, të shënojë të vetmin gol për vendasit.
Roma ka vulosur gjithçka në pjesën e parë të ndeshjes, duke shënuar që të katër golat e fitores, në ndeshjen përballë Torinos të luajtur në Olimpico. Pizzaro hapi serinë e golave duke shënuar përmes penaltisë pas 18 minutash lojë, dy minuta para se Vucinic të shënojë golin e dytë për romakët, ndërsa Mancini shënoi dy golat e radhës duke thelluar rezultatin në 4-0 (26’ dhe 32’). Të vetmin gol për mysafirët e shënoi Ventola (50’).
Nga minuta e 76-të, vendasit luajtën me dhjetë lojtarë, për shkak të përjashtimit të Juan.
Juventusi po ashtu ka vulosur gjithçka që në pjesë të parë, duke shënuar avantazh të katërfishtë ndaj ekipit tjetër romak, Lazios, gola të shënuar nga Chiellini (15’), Camoranesi (21’), Del Piero (32’) dhe Trezeguet (33’). Në pjesë të dytë u duk se Lazio po rikthehet në lojë, pasi që shënoi dy herë, përmes Bianchit (55’) dhe Siviglia (61’), por një gol i dytë i shënuar nga Chiellini vulosi rezultatin e ndeshjes, 5-2. Nga minuta e 76-të, mysafirët luajtën me dhjetë lojtarë, për shkak të përjashtimit të Siviglias.
Interi, ka shënuar fitore 2-1 ndaj Cagliarit me golat e Cruz (22’) dhe Materazzit (82’), ndërsa të vetmin gol për mysafirët e shënoi Biondini në momentet e fundit të ndeshjes. Inter, që shkon drejt mbrojtjes së titullit në Serie A, kryeson në tabelën e Serie A me 81 pikë, gjashtë më shumë se Roma, kur deri në fund të kampionatit kanë mbetur vetëm edhe tre ndeshje.
Me fitoren e sotme Juventus betonon vendin e tretë me 70 pikë, derisa Fiorentina mbetet në vendin e katërt me 60 pikë, pavarësisht barazimit 2-2 ndaj Sampdorias. Milani ndjek me 58 pikë në vendin e pestë, duke e bërë edhe më interesante luftën për vendin e katërt.