Skitarët kosovarë marrin pjesë në dy gara në Turqi

Përfaqësuesja e Kosovës në skitari, do të marrë pjesë në dy garat ndërkombëtare të FIS-it (Federatës Ndërkombëtare) në Erzurum dhe Sarikamish të Turqisë, prej datës 12 deri më 21 mars, pasi ka siguruar mjetet për udhëtim nga Departamenti i Sportit.
Në këto dy gara Kosova do të përfaqësohet me tetë garues. Në konkurrencën e meshkujve do të paraqiten Taulant Pupovci, Erduan Sefaj, Dardan Pupovci dhe Agon Kapuçi, kurse tek femrat Mimoza Idrizi, Genta Domi, Dorina Mema dhe Nita Kelmendi. Përfaqësuesja e Kosovës do të niset në drejtim të Turqisë nesër në orën 12:30.