Natë e pa fund"

Sonte një zjarr e kam në zemër
Endem e pashpresë, vallë ku je o shpirti im
Loti më pikoi, të thirra në emër
Rrugët e shkreta mbytën zërin tim?!


Dritare e mbyllur adresë e pashkruar
Kërkoj unë e mjera si një zog e trembur
Puthje e padhënë zjarr i pashuar
Zemër që vuan në shpirtin e shembur.



Loti më pikoi, nata me mu foli
Yjet lart në qiell qanin bashkë me mua
Nga thellësia e shpirtit veç një fjalë më doli
Hape dritarën tënde, se e dinë shumë mirë se sa të dua...



Heshtje e strukur në natën e pa mbarim
Të ftohtit e natës e vrau zemrën time
Lotët unë i derdha për ty shpirti im
Dritare e mbyllur dashuria ime!



Poshtë dritarës tënde zemra më pushoi
Syri im me lotë deshi të të fliste
Fjala në fyt më mbeti, shpirti më vajtoi
Dritare e mbyllur ai më s'më priste.