Henes: Në verë na duhet të blejmë një mesfushor të fortë

[tr][td class=lajmikryesor_intro] Drejtori sportiv i Bajernit të Munihut, Uli Henes, gjatë një emisioni sportiv në televizionin gjerman "ZDF", ka paralajmëruar një blerje të madhe gjatë kësaj vere. [/td][/tr][tr][td]"Në edicionin e ardhshëm nuk mund të bazohemi vetëm në Ze Roberton, ngase ai ka mundësi që do t'i luajë javët e fundit të karrierës së tij. Ndërkaq, Van Bomel na ka zhgënjyer aq shumë me mosdisiplinë në fushë dhe jashtë saj, prandaj duhet të gjurmojmë për një mesfushor të nivelit të lartë", ka theksuar Henes. Në pyetjen nëse ekziston ndonjë emër konkret, drejtori sportiv i Bajernit ka dashur t'i shmanget përgjigjes. "Vitin e kaluar për 25 milionë euro kemi blerë Frank Riberinë nga Marseja. Ai është një futbollist i shkëlqyeshëm, por milionat nuk garantojnë gjithmonë përforcime të qëlluara. Do t'i vëzhgojmë ata futbollistë, të cilët mund të sjellin përparim në lojën tonë", ka theksuar Henes, i cili më pas megjithatë ka përmendur dy emra, për të cilët është folur në klubin bavarez. "Flamini dhe Deko janë dy lojtarët për të cilët mendojmë më së shumti", ka nënvizuar Henes.[/td][/tr]