Zhduket” Reali, titulli shumë pranë

Një goli i kapitenit Raul Gonzalez dhe një i argjentinasit Higuain kanë mjaftuar për t’i dhënë fitoren Realit të Madridit përballë Santanderit, dhe gjithashtu për t’i afruar ata edhe më shumë me titullin kampion. Në një fushë si ajo e “El Sardinero”�s, madrilenët e dinin se do të ishte një ndeshje shumë e vështirë, përballë një Santanderi, i cili luftonte për vendin e katërt në klasifikim, që të dërgon në Champions League sezonin e ardhshëm. Por, Reali nuk ka falur aspak dhe ka kaluar në avantazh që në minutën e 12�të me anë të Raulit, i cili ka shënuar brenza zonës kundërshtare pas një topi të dhënë nga Robinjo. Ky i fundit ishte rikthyer në formacionin titullar pas një periudhe shumë të gjatë. Përballë Santanderit, Robinjo ka zhvilluar një ndeshje shumë të mirë, edhe pse vendasit kanë qenë shumë herë pranë barazmit. Dy sulmuesit e Santanderit, Tçite dhe Munitis nuk kanë mundur të shënojnë përballë një Kasijasi i cili është treguar në lartësinë e duhur. Në pjesën e dytë, skuadra e drejtuar nga Bernd Shuster ka dashur të ruajë avantazhin e krijuar dhe ka luajtur me kundërsulm, ndërsa Santander ka qenë gjithmonë në kërkim të golit të barazimit dhe të një pike që do të ishte shumë i vlefshëm për ta. Pas një rasti të humbur për gol nga skuadra vendase, ka qenë një kundërsulm i Realit, ku Gonzalo Higuain ka shënuar golin e dytë në minutën e 90, duke vulosur fitoren dhe rrugën e sigurtë drejt titullit të dytë radhazi.