Toni: Duam edhe Europianin

Në Austri dhe Zvicër me një objektiv të vetëm: ngjitja në shkallën më të lartë të Europës, në majën e kontinentit. Pas asaj të Berlinit, Luka Toni dëshiron që të luajë dhe të fitojë një tjetër finale, atë të “Euro 2008”, ku “axurrët”, sipas bomberit të Bajernit, paraqiten si kampionët e botës në fuqi por edhe si pretenetët kryesorë për të triumfuar në këtë kompeticion: “Eshtë normale që të jesh mes favoritëve. Shpresa ime është që të bëj pjesë në listën e të grumbulluarve dhe të luaj turneun, por për këtë arsye duhet që të vazhdoj të bëj sa më mirë të jetë e mundur të Bajerni i Mynihut. Ky është një sezon special për mua dhe një nga objektivat e “Euro 2008”. Rruga e Italisë do të nisë në ngjitje, me një grup aspak të lehtë, por të konsideruar të “hekurt”: Holandë, Francë dhe Rumani. “Do të jetë një grup shumë i fortë dhe për mua është ai i “vdekjes”, por nëse kalojmë, mund të përballemi pikërisht me Spanjën. Do të luftojmë në këtë Europian ashtu si kemi bërë edhe në fazën kualifikuese, me objektivin për të fituar dhe për të arritur diçka të rëndësishme. Jemi kampionët e botës he kjo na detyron që të japim më shumë dhe të mbetemi ende ndër më të mirët në qarkullim. Italia është një Kombëtare që duhet të synojë gjithmonë maksimumin”. Donadoni do të synojë shumë te golat e tij, por ish�bomberi i Palermos dhe Fiorentinës preferon që të shohë diçka tjetër: “Nuk e konsideroj veten një yll botëror, sepse këtë e thonë gazetat dhe tifozët. Ndoshta kam mbërritur shumë vonë në futbollin që ka rëndësi, sepse në karrierën time kam arritur dy trofej personalë që nuk kanë të bëjnë me çështjen e fatit: kam fituar “Këpucën e Artë” në vitin 2006, me 31 gola të shënuar në A dhe Botërorin me Italinë, ku kam luajtur dhe shënuar”. Kujtimi i Berlinit është ende i “gjallë” në mendjen e sulmuesit që në Gjermani, te Bajerni, ka rigjetur dy francezë të asaj mbrëmje magjike, përballë të cilëve luajti pikërisht shtatlarti. “Ndonjëherë, Sanjol dhe Riberi më flasin për atë finale, mbi të gjitha kur mbërrita. Vili më tha njëherë: çfarë fati kishit atë natë. Por, askush s’mund të ndryshojë atë që ndodhi dhe jemi ne ende kampionët e botës, duan apo s’duan ta kuptojnë të tjerët”.