Federer: Karriera ime nuk është në rrezik

Tenisti numër 1 në botë, Roxher Federer ka hedhur poshtë zërat e mediumeve zvicerane se karriera e tij është në rrezik, pasi ai vuan nga sëmundja e mononukleozës.
"Në vendlindjen time ka shumë spekulime rreth asaj se do të jem i detyruar të dal në pension të parakohshëm. Njerëzit duhet ta dinë se jam plotësisht i shëndosh dhe nuk kam kurrfarë problemesh shëndetësore", ka theksuar 29-vjeçari Federer, pas fitores ndaj Pit Samprasit në meçin ekzibicional në Nju Jork. "Megjithatë, kur e shqyrtojë më mirë gjithë këtë situatë, atëherë mendoj se ka ardhur në momentin më të duhur. Tash kam një motiv edhe më të madh për vazhdimin e edicionit. Humbja në Melburn, si dhe zërat e tillë spekulues më motivojnë edhe më shumë. Me padurim pres të zbres në fushë në cilindo turne dhe t'i shoh tifozët që duan të më shikojnë duke luajtur. Thjeshtë jam i uritur për suksese të reja", ka nënvizuar Federer, i cili më pas i ka dhënë një paralajmërim rivalëve të tij: "Me padurim pres që t'iu dëshmoj njerëzve se mund të fitoj nga ndeshja në ndeshje dhe atë në vazhdimësi".